Patay ang indi magnubo sa 45 ka tawo matapos ginbomba sang Israeli forces ang Rafah sa southern Gaza, suno sa opsiyal sang Palestinian health kag civil emergency service.
Suno sa Israeli Defense Forces, nagpatigayon sila sang ‘precise, intelligence-based’ actions kun sa diin napatay nila ang chief of staff sang Hamas sa West Bank kag isa pa senior official nga isa sa likod sang pagpang-atake sa Israel sang tinalikdan nga Oktubre.
Una na ginreport sang tagapamaba sang health ministry sang Hamas nga si Ashraf Al-Qidra, nga 35 ka tawo ang napatay kag dosena ka iban pa, kadamuan mga kababaihan kag mga kabataan, tubtob nagsaka ini sa 45.
Ginpahayag naman sang mga residente nga dalayon na nga ginsakop sang Israel ang bilog nga Rafah – sa diin makita ang mga tangke de gyera nga padulong sa western kag northern nga bahin sang syudad matapos nasakop na ang sidlangan, bagatnan, kag ang sentro.
