KORONADAL CITY- Mas nagalala pa sa karon ang sitwasyon sang mga Pinoy sa pungsod Israel bangud naman sa padayon nga pagpanglusob sang Hamas Group sa lugar.
Sa interbyu sang Bombo Radyo Kronadal kay Ms. Elvie Pregua, Bombo International News Correspondent to Israel kag tumandok sa Brgy. Zone 4, Koronadal City ginpahayag sini nga bangud sa padayon nga kinagamo, nagaka eksperyensya na sila sang panic buying agud nga malikayan na ang sige guwa sa ila nga mga panimalay bangud anuman nga oras pwede atakehon ang ila nga lugar sang mga terorista nga grupo.
Suno pa sa iya, padayon sa gihapon sila nga ginapahinumduman sang gobyerno sang Israel nga manago lamang sa ila nga panimalay kag sa mga lugar nga may shelter bomb.
Ginkasubo naman ni Ms. Pregua ang balita nga may yara na sang napagkit nga patay nga duwa ka mga Pilipino sa nagapadayon nga inaway sa tunga sang Israel kag Palestinian militant group nga Hamas.
Sa karon nagapanawagan man ini sa gobyerno sang Pilipinas para sa ikaayo nila nga OFW kag Filipino community kay sa karon hugot man sila nga nakig-angot sa Philippine Embassy sa Tel Aviv kag sa Migrant Workers Office sa Israel agod masiguro ang safety nila sa Israel.
