KORONADAL CITY – Anum naman ka panibag-o nga inmates sang South Cotabato Rehabilitation and Detention Center ang nagpositibo sa panibag-o nga drug test nga ginpatigayon.
Ini ang ginkumpirma ni Jail Warden Lory Celeste sa interbyu sang Bombo Radyo Koronadal.
Suno kay Warden Celeste, ang anom ka mga preso nga nagpositibo sa nasambit nga drug test ang lunsay mga lalaki lamang sa sulod sang isa ka selda.
Lima sa mga ini ang magpangatubang sa kaso nga ilegal nga droga kag isa ang may kaso nga rape.
Ginpahayag ni Celeste nga naghimo naman sila nga drug test kung sa diin negatibo sa ilegal nga droga ang tanan nga mga inmate.
Apang makaligad ang ginhimo nga drug test, nakabaton ini sang impormasyon nga may nakasulod kag nagagamit sang ilegal nga driga sa sulod sang selda , amo nga gilayon ini nga ginpaidalom sa drug test.
Bangud sini, gilayon nga gin pang lain ang ini nga mga inmate agud magapangatubang sang nagakaigo nga punishment.
Gilayon man nga gina usisa ang mga nasambit nga inmates agud makahatag sila sang nagakaigo nga impormasyon kung sin o kag paano ini nakasulod ang ilegal nga droga sa Provincial Jail.
Samtang nahibaluan nga ginpalusot lamang ini sang mga nasambit nga inmates sa mga main gate kag may yara sang koordinasyon sa mga Jail Gurad nga sa karon gina imbestigaran na kag pagakakason sa trabaho.
