KORONADAL CITY- Isa naman ka dako nga gadaag an para sa mga otoridad ang nagluntad nga isa ka engkwentro nga kung sa diin napatay ang isa ka katapo sang Bangsamoro Islamic Freedom Fighter (BIFF).
Ini ang ginpahayag ni Colonel Oriel L Pangcog, Commander ng 601st Brigade Phil.Army sa interbyu sang Bombo Radyo Koronadal.
Suno sa iya, sa pihak sang mga ginahimo nga pagpamahog sang mga terorista nga grupo sa nagkalain lain nga bahin sang South Central Mindanao, wala gid duha duha ang tropa agud patyon ang nasambit nga terorista.
Sa sini nga pamaagi ginhimo man sang mga otoridad ang ila nga pwersa nga wala sang may malamita nga sibilyan bangud nakaplano na nga daad sila antes pa man nagluntad ang engkwentro.
Kung madumduman,napatay ang isa ka myembro sang Bangsamoro Islamic Freedom Fighter (BIFF) sa natabo nga engkwentro sa tunga sa mga tropa sang bahin sang Brgy Damablac, Talayan, Maguindanao nga ginkilala kay alyas “Mac-Mac” .
Sa ginhiwat nga imbestigasyon sang mga katapo, isa ka bangkay sang kontra ang nakit-an nga gin-abandona sang ila nga mga kaupdanan.
Narekober man sang mga sundalo ang isa ka improvised explosive device.
