KORONADAL CITY – Kampante ang isa ka OFW nga magapauli na diri sa pungsod Pilipinas sa piyak sang naeksperyensyahan nga kapait, pag- antos kag krisis sa pungsod Sri Lanka.
Ini ang ginpahayag ni Ms. Joean Daniel Taruc- BINC to Sri Lanka sa interbyu sang Bombo Radyo Koronadal.
Suno sa iya, nagahangyo ini diri sa gobyerno nga kung mahimo nga kung magapauli sila diri sa pungsod kuntani wala na sang dugang pa nga mga requirements nga igapadugang pa bangud kulukasubong nga wala sila sang bastante nga mga kwarta para sa mga igadugang pa nga mga requirements kung may yara pa ini nga igapadugang.
Dugang pa sini, sa piyak sang ila nga pag antos sa luwas sang pungsod nagapangabay ini nga kuntani intindihon ang ila nga sitwasyon sang tanan bangud indi hamak ang ila nga naeksperyensyahan nga krisis agud nga makalampuwas lamang.
Madumduman nga sang bulan sang Hunyo nagpangatubang sila sang krisis bangud sa ila nga Presidente nga kung sa diin amo ini ang kabangdanan sang pag-antos sang tanan nga mga katawhan sa nasambit nga pungsod.
Sa karun, kulukasubong nga naghagan-hagan na bangud naislan na ang ila nga Presidente apang may yara sa gihapon nga mga protesters nga nagpadulong sa palasyo bangud indi sa gihapon luyag sang mga ini ang nagbulos nga presidente sa ila nga pungsod.
