KORONADAL CITY – Boluntaryo nga nagsungka ang 5 ka mga armado nga terrorista nga katapo sang BIFF-Karialan sa mga katapo sang security forces sa probinsya sang Sultan Kudarat.
Nagsungka ang mga ini sa 1st Mechanized Infantry (Maaasahan) Brigade and 1st Mechanized Infantry (Lakan) Battalion.
Ginpresentar ni Lt. Col. Cresencio Sanchez Jr., Commanding Officer of 1Mech Bn ang mga anay rebelde sanday Brig. Gen. Pedro Balisi Jr., Commander of 1Mech Bde sa presensiya man ni Paglas Municipal Mayor Adbulkarim Langkuno, Atty. Cyrus Toreňa, Provincial Administrator of Maguindanao kag Roger Dionisio, Agila-Haven focal person sa Barangay Kalandagan, Tacurong City.
Gin sungka sang mga ini ang mga matag-as nga kalibre sang armasluthang nga ginalakipan sang (1) US 57MM recoilless rifle, one (1) M16 rifle, one (1) Cal.50 barrett and one (1) RPG with ammunition.
Sa subong base man sa uyat nga record sang JTF Central, nag abot na sa 126 former members sang BIFF – Karialan kag Bungos Faction ang nag sungka kag nagbalik na sa normal nga pagpangabuhi upod ang ila nga pamilya nga malayo sa magamo kag sala nga pagpakigbato batok sa gobyerno.
Ginpahayag ni Lt Col. Dennis Almorato ,tigpamaba sang 6ID Philippine Army sa interview sang Bombo Radyo Koronadal nga igapadayon sang Joint Task Force Central ang pagpakigbato sang mga otoridad batok sa mga terrorista nga nagpanggamo sa mga lugar nga ila gina -agyan.
