KORONADAL CITY-Malinong kag tayuyun ang nangin una nga adlaw ukon opening salvo sang campaign period para sa local candidates sa syudad sang Koronadal kag South Cotabato subong nga adlaw sang Biyernes , Marso 25 2022.
Kadungan sini, may paalinton sa mga local candidates kag ang ila nga mga supporters ang Provincial Election Supervisor sang Comelec-South Cotabato may kaangtanan sang pag obserbar sang minimum public kag health protocols sa tion sang paghiwat ukon pagpatigayon sang mga campaign rallies kag campaign sorties sa bilog nga probinsya.
Ini ang nangin paalinton ni Atty Myla Luna, Provincial Election Supervisor sang Comelec-South Cotabato sa interview sang Bombo Radyo Koronadal.
Suno sa iya, bangud sa pormal na nga nag-umpisa ang 45 dias sang campaign period, madamo sang dapat nga tandaan ang mga naga tambong sa rally kag mga campaign sorties lakip na ang pag kontrol sa mga tawo nga naga tambong sa mga political rally bangud sa gihapon sa pamahog sang Covid-19.
Samtang sa pihak nga bahin, padayunon sa gihapon nila ang pagpatuman sang operation baklas sang Comelec sa mga posters kag campaign materials nga ara sa gwa sang designated posting areas sa probinsya magluwas na lamang sa mga naga kabit sa mga private individuals bangud existing nga Temporary Restraining Order (TRO) nga gin issue sang korte suprema angot sa amu nga issue.
