KORONADAL CITY – Dako nga kawad-an para sa mga terorista sa Mindanao ang boluntaryo nga pagsungka sang masobra 80 ka mga armado gikan sa mga probinsiya sang Sultan Kudarat kag Maguindanao bitbit ang ila mga highpowered firearms.
Ini ang ginpahayag ni Col. Oriel Pangcog, commander sang 601st Brigade, Philippine Army sa interbyu sang Bombo Radyo Koronadal.
Suno kay Col. Pangcog, sa nasambit nga numero 41 sa mga ini ang anay myembro sang New Peoples Army gikan sa probinsya sang Sultan Kudarat samtang 39 naman nga anay mga Bangsamoro Islamic Freedom Figthers gikan sa Maguindanao.
Nahibaluan nga ginpresentar sa publiko sang Kampilan Division ang mga nagsungka nga armado lakip na ang ila mga armas.
Kalakip man samga nagsungka ang mga highranking officials sang BIFF kun diin 21sa mga ini gikan sa BIFF-Bungos faction, 12 ka mga BIFF-Karialan faction kag 6 gikan sa BIFF-Toraiffe faction nga nagapatigayon sang operasyon sa SPMS BOX AREA ukon mga delikado nga lugar kasubong sang Shariff Aguak, Pagatin (Datu Saudi Ampatuan town), Mamasapano kag Shariff Saydona.
Gilayon naman nga ginhatagan sang financial assistance sang Maguindanao kag SK Provincial Govenment ang mga nagsungka.
