KORONADAL CITY- Yara sa kostudiya sang otoridad sa karun ang 3 ka mga miyembro sang isa ka sindikato nga naga baligya sang illegal nga droga makaligad nga natiklo ang mga ini sa isa ka drug buy-bust operation sang kapulisan sa Barangay Milbuk, Palimbang, Sultan Kudarat .
Ginkilala sang Palimbang MPS ang mga nagkaladakpan nga sanday Abdulkarim Usman Sakaria a.k.a Sok Mamalangkas kag “Superman”,Saipon Suhani Ali kag Nhor Ali Usman nga nadakpan sang mga otoridad sa pagpanguna sang Sultan Kudarat Police Drug Enforcement Unit maklaigad ang surveillance batok sa mga suspek.
Nabaklan suno pa ang mga nasambit nga persona sang nagpakilala nga poseur buyer sang 5 ka mga medium size ka pakete nga ginapatihan nga shabu nga naga balor nga P3,000.
Namutikan suno pa sang mga suspek nga pulis ang ila nga ka transaksyon kag naghana nga magpalagyo usar ang isa ka unit Toyota Vios nga may plate number NEP 9559, apang na-korner ang mga ini sa isa ka Checkpoint sa may Sitio Tibulos, Brgy. Baliango, Palimbang,Sultan Kudarat.
Nakuha sang mga otoridad sa posisyon sa mga suspek ang 38 ka pakete sang ginapatihan nga shabu , buy-bust money kag isa ka hand grenade.
Sa subong, ara na sa kostudiya sang Palimbang MPS ang mga suspek samtang gina preparar ang kaso nga paglapas sa RA 9165 ukon Comprehensive Dangerous Drugs Act of 2002 nga iga-pasaka sa mga suspek.
