Mahimo na nga magpatigayon sang Pre-election Campaigning ang pila ka mga naga padalagan nga mga pulitiko bangud sa panibag-o nga layi nga napasar angot sa ini nga pamaagi sang pila ka mga pulitiko.
Ini ang nangin kabahin sang pahayag ni Atty Myla Luna, Provincial Election Supervisor sang South Cotabato sa interview sang Bombo Radyo Koronadal.
Suno sa iya,gin- decriminalize na sang Comelec ang premature campaigning bangud sa panibag-o nga Automated Elections Law nga naga eksister na sa subong nga tion.
Dugang pa sang opisyal, sa nasambit nga Automated Elections Law , makabig lang nga kandidato ang isa ka persona sa tion sang campaign season kag ang mga penalidad nga nalapas sini nga kandidato ang mangin epektibo lang sa tion sang kampanya sa diin naga hatag sang chansa sa isa ka naga padalagan sa pag pangampanya apesar nga indi pa pormal nga nag-umpisa ang eleksyon.
Madumduman nga nag umpisa na ang campaign period sang mga national election candidates sang February 8,2022 samtang maga umpisa naman sa Marso 25 2022 ang mga local candidates sa Pilipinas.
