KORONADAL CITY-Yara na subong sa kustodiya sang mga otoridad ang 4 ka mga sub-commanders sang rebelde nga NPA kalakip na ang isa ka political guide makaligad nga boluntaryo nga nagsungka ang mga ini sa mga kasundaluhan sa Baranagay Baguntapay, Bagumbayan, Sultan Kudarat. Ini ang gin kumperma ni Lieutenant Colonel Rommel Valencia, commanding officer sang 7th Infantry Battalion .
Ginkilala ni Valencia ang mga nagsungka nga mga rebelse nga sanday alias Wendel, isa ka Squad Leader sa idalom, sang ng “My Phone” Platoon; alias Elagan, Team Leader sang Platoon “Bagdad”; alias Harris, Squad Leader sang Timlas Platoon; alias Leon, dati nga Commanding Officer sang Platoon “Yakal”;kag isa ka alias Annamae, Political Guide sang Platoon “Timlas” nga lunsay ara sa idalom sang Sub-Regional Committee Daguma, Far South Mindanao Region.
Kalakip sa mga gin sungka sang mga rebelde ang mga high-powered firearms nga ginakalakipan sang 2 ka M16 Rifle, isa ka 5.56mm Carbine (converted) Rifle, kag 3 cal .38 Revolvers.
Nagsungka ang mga ini bangud sa joint efforts sang 7IB at mg akapulisa halin sa Bagumbayan, Sen. Ninoy Aquino kag Sultan Kudarat Provincial Police Office sa pagpanguna ni Police Colonel Tom Tuzon.
Kaangot sini, padayon man ang panawagan sang mga otoridad sa mga kaupdanan sang mga rebelde nga magsungka na man kag mag balik sa sabak sa gobyerno.
