KORONADAL CITY-Ginawian sang kabuhi ang suno pa mga bomb courier sa nagluntad nga shoot-out sa banwa sang Esperanza, Sultan Kudarat. Suno kay Police Capt.Jethro Dave Doligas, hepe sang ng Esperanza Municipal Police Station, ginahibalo pa sa subong ang grupo nga ginakaulamiran sang mga napatay nga couriers.
Ginkilala anga mga ini nga sanday Guimaludin Kasan, yara sa legal nga pangidaron kag residente sang Datu Hoffer, Maguindanao ,samtanga ginahibalo pa ang identity sang upod sini.Nakilala si Guimaludin pinaagi sa Identification card sini nga nagpakilala nga isa suno pa ka miyembro sang MILF.
Nahibaluan nga ginpara suno pa ang mga suspek sang mga nakadeploy nga mga pulis sa checkpoint apang sa baylo nga mag-untat, nagpalupok ang mga ini kabangdana nga napilitan nga magbalos ang mga otoridad kun sa diin na-igo ang 2 ka suspek.
Narekober sa possession sang mga ini ang halos 40 ka mga ginapatihan nga shabu, mga assorted nga IDs,caliber 22 , cal. 20 pistol kag isa ka improvised explosive device (IED). Ginapatihan nga may plano ang mga ini nga maglunsar kuntani sang kalakasan bangud sa bitbit nga IED sang mga ini.
Sa subong yara sa RC funeral home sa Barangay Sagasa,Esperanza, Sultan Kudarat ang mga bangkay sang mga napatay nga suspeks.
