KORONADAL CITY – Indi sa gihapon makapati tubtob sa subong ang No.9 sa bag-o lamang nagtakop nga2021 Licensure Examination for Teachers (LET) na si Menard Jude S. Arguilles na taga-Purok Twin River,Brgy.Sto.niño, Koronadal City nga nakasulod ini sa Tiop 10.
Sa eksklusibo nga interbyu sang Bombo Radyo Koronadal kay Menard, nangin emosyunal siya sang nakita ang resulta sang examination kun diin kalakip siya sa nakakuha sang average nga (0.20%.
Nakibot man suno pa ini kag nalipay samtang ginasugid sa iya amay ang iya kadalag-an.
Halos indi matupungan ang kalipay sini kag sang iya pamilya bangud sa nalab-ot sang iya pagpanigkamot.
Apang suno sa iya ang nangin sekreto sini kun ngaa nakapasa kag nalakip pa sa Top 10 amo ang paglikaw sa stress sa tion sang pag-review sini.
Suno pa sa iya, naga-gahin siya sang oras sa pagreview kag sa paghampang man.
Gani nangin maayo ang resulta kag wala gid ini nabudlayan sa eksaminasyon.
Sa karon, proud na proud man ang iya pamilya sa iya kadalag-an kag mangin ang mga nangin manunudlo sini anay kag mag himata.
Nahibaluan nga madamo naman sang offer kay Menard matapos nga malakip siya sa Top notchers.
Sa karon, aminado ito nga may mga mensahe na siya nga nabaton sa mga potensyal nga employers nga interesado sa iya.
