KORONADAL CITY–Naprepara na sang Nelmida Elementary School sa Barangay Assumption, Koronadal ang 160 ka mga learners sang limited face-to-face classes nga ginalakipan sang kindergarten tubtub sa Grade 3 pupil nga maga sulod sa klase sa palaabuton nga Nobyembre 15 2021.
Ini ang gin kumpermar ni Maricel Digu, Principal sang Nilmeda Elementary School sa ekslusibo nga interview sang Bombo Radyo Koronadal.
Suno sa iya, makaligad nga malakip ang ila nga buluthuan sa 100 ka mga buluthuan nga napilian sang Department of Education(DepEd-12) para sa face-to-face classes, madasig nga nagpreparar ang ila nga eskwelahan sa mga kinhanglan nga himoon para sa paglunsar sang limited-face-to face classes kag pagpasiguro nga luwas ang mga learners batok sa Covid-19.
Samtang 99% naman sa mga ginikanan ang nag ugyon sa ini nga pagpatigayon sang face-to-face Classes
Pagatunga-on naman sa 2 ka grupo ang mga estudyante sa diin ang 50% ang maga sabat sa mga modules kag ang katunga pagid ang maga partisipar sa social interaction sa buluthuan.
Magapatuman man sang pag usar sang face mask kag face shields ang mga estudyante para sa ikaayo sang tanan.
Dugang pa sini, bangud sa wala sang napagkit nga kaso sang Covid-19 sa ila nga lugar,gin konsidera ini sang DepEd.
Sa karun, magalab-ot na sa 265 ang mga officially enrolled na sa ila nga bulutuan sa subong nga bulan
