KORONADAL CITY – Ginpakigbahin sang isa ka persona ang natabo sa ila sa paglubong sa iya nga amay nga gin agi lamang sa suba tuga sang malapnagon nga pagbaha sa banwa sang North Cotabato.
Ini ang ginpahayag ni Margie Mantumadtam, bata sang ginlubong nga gin agi sa suba sa interbyu sang Bombo Radyo Koronadal.
Suno kay Margie, nag bubo ang mabaskog nga ulan sa ila nga lugar sa Aleosan, North Cotabato nga nagresulta sang pagbaha.
Apang, kay na schedule na ang pagpalubong sang iya nga amay nga ginkilala nga si Lope Singayao, isa ka senior citizen, gindayon nila ang pagpalubong.
Nagbuliganay ang ila mga himata kag kapitbahay agud makahimo sang balsa nga himo sa saging agud may yara lang sa mabutngan ang lungon sang ila nga amay.
Basa tanan nga nag upod sa paglubong sa iya nga amay.
Sa subong nagapanawagan si Margie sa gobyerno nga kung mahimo mabutangan sang tay tay ang ila nga lugar bangud pati ang pagdala sang mga mga produkto sa ila nga lugar padulong sa palengke tuman nga nabudalayan ang mga ini.
