KORONADAL CITY – Ginpalawig pa sang Comission on Election (COMELEC) ang voters registration schedule para sa madason nga piniliay para magdamo pa ang maganyat nga magpartisipar sa madason nga election.
Ini ang gin pahayag ni Emma Uy, OIC-Election Officer-South Cotabato sa interview sang Bombo Radyo Koronadal.
Suno sa opisyal, naga padayon ang ila nga pagpang-awhag sa mga residente sang probinsya wala pa naka parehistro nga mag parehistro na sa COMELEC antes ang gintalana nga deadline sini nga hangtod na lamang sa katapusan nga adlaw sang Setyembre.
Bangud sini, magabaton sang mga kliyente ang ila nga talatapan humalin sa 8 sa aga tubtub sa alas-7 sang gab-i ,Lunes tubtub Biyernes kag alas 8 sa aga asta 5 sa hapon naman sa adlaw sang Sabado kag Holidays,umpisa sa subong nga adlaw, Agosto 23 2021.
Dugang pa sini, mas madamo naman ang numero sang mga nagparehisro sa subong nga bulan kumparar sang nagralabay nga mga binulan.
Nagpaalinton man ini sa mga maga parehisto nga mga obserbar sang protocols nga gintalana sang IATF para malikawan ang paglapta sang Covid-19 Virus.
