KORONADAL CITY — Nakapagkit sang pinaka una nga kaso sang Delta variant sang Covid-19 ang probinsya sang Sultan Kudarat. Base ini sa gin paguwa nga datus sang Department of Health ukon ang DOH.
Apang sa Interbyu sang Bombo Radyo Koronadal kay Sultan Kudarat Provincial Health Officer Dr. Gina Galinato, wala niya ini gin kompirmar ang nasambit nga balita bangud tub tub sa subong, indi pa suno pa nga naka abot sa ila nga datus nga nagapakita nga may una nga kaso sang delta variant ang Sultan Kudarat.
Sa gin paguwa sang datus sang DOH, isa ang Sultan Kudarat sa may kaso nga delta variant rason ginpasaka sa alert level ini batok sa Covid-19.
Isa ang delta variant ang ginakabalak-an bangud sa makalalaton ini kong ikumparar sa iban nga variant sang Covid-19.
Una diri, naglapta ini sa social media ang balita nga may kaso sang delta variant sa Tacurong City apang wala ini sang kompirmasyon ang balita bangud suno pa nga gina hulat ang test nga gin padala sa Philippine Genome Center.
