KORONADAL CITY – Arestado ang tatlo ka persona makaligad ang ginpatigayon nga drug buy bust operation sa Siyudad sang Koronadal.
Ini ang ginpahayag ni Plt. Analiza Domingo, WCP Spokesperson, sang Koronadal PNP sa interbyu sang Bombo Radyo Koronadal.
Suno sa opisyal , ginkilala ang nasambit nga mga suspek nga amo sanday alyas Amas, alyas Nonoy kag si Alyas Kokoy.
Si alyas Amas kag alyas Kokoy ang may yara gid sang direct contact kag may ginakwaan gid sa mga buyer.
Samtang si Alyas Nonoy ang bag o lang gid nila nga upod kag yara man ini sa tion nga nagpatigayon sang operation.
Ang ini nga mga suspek ang naga ubra bilang mga construction workers,ginpatigayon ang operasyon sa Prk. Pantua, Brgy. Zone 3, City Of Koronadal kag nakuhaan ang nasambit nga mga suspek sang dried leaves marijuana kag buy bust money nga 500 pesos.
Magapangatubang sang kaso ang nasambit nga mga suspek sang Case for Violation of Article 11 Section 5 sang RA 9165// Kag sa subong yara na ang mga ini sa kustodiya sang mga kapulisan.
