KORONADAL CITY – Kulukasubong nga daw kanugon ukon wala sang pulos lang ang tanan nga effort sang pungsod estados Unidos sa sulod sang masobra 2 ka dekada nga pagpadala sang mga sundalo sini sa Afgahnistan bangud napaslawan lang ang mga ini sa pag utod sang terrorismo sa nasambit nga pungsod.
Ini ang nangin pahayag ni Atty.HABBAS S. CAMENDAN,Chairman for Bangsamoro, Mindanao People’s Peace Movement sa interview sang Bombo Radyo Koronadal.
Suno sa iya, napaslawan ang US Troops sa pagpakigbato batok sa Al Queda bangud wala man naubos ang mga ini kag sa baylo, nag simpon sa Taliban para ipadayon ang ila nga pagpati kag tuyo sa Afghanistan.
Dugang pa sini, sa amat-amat nga pag-pull-out sang US Troops sa Afghanistan, amat-amat man nga makita ang mga rason sang kapaslawan sang mga ini nga depensahan ang Afghanistan.
Pahayag pa sini, indi lang ang US ang napaslwan sa amu nga pagpakibato kundi lakip man ang Afghan Government nga dalayon na nga nagtibusok sa ginhimo sang Taliban.
