KORONADAL CITY – Hugot ang panindugan sang Diocese of Marbel angot sa pagpamatok sa pag-amyeda sa Envi-Code sang South Cotabato nga magatugot sa pag-abre sang pagmina sa probinsya.
Sa ginpatigayon nga consultation Dialogue sa Sangguniang Panlalawigan session hall sang South Cotabato, ginpahayag ni Bishop Cerilo Casicas D.D sang Diocese of Marbel nga manindog ang simbahan sa pagkontra sa sa pag-amyendar sa pila ka probisyon sang Envi-Code sang South Cotabato.
Gintagaan man sang punto sang obispo ang paghalong sa kinaiyahan ng mahimo maguba sang pagpangmina.
Dugang pa sini, sa tion nga maga operar liwat ang pagpangmina sa probinsya may posibilidad nga maapektuhan ang fault lines nga magatuga sang posible nga pagtay-og pati man ang pagkahumok sang duta.
Tuman man ka delikado ang pagbutang sang dam malapit sa mining sites kun sa diin maga uyat sang tubig nga pila ka kubiko nga ginkahadlukan nga mangin tunaan sang pagbaha kun marumpag ini.
Pahayag pa sini, tuman man ka delikado ang mga toxic materials nga maga simpon sa tubig,hangit kag duta nga mahimp tunaan sang mga balatian.
