KORONADAL CITY – Indi man lang ang medalya ang ginahatag sa mga nagadaug sa nagapadayon nga Tokyo Olympics ang importante nga may mas madalum nga buot silingon kag simbolo ang bouqet of flowers.
Ini ang pahayag sa Bombo Radyo Koronadal ni Bombo International Correspondent Benz Huera nga masubra 10 ka tuig sa Japan kag tumandok sa syudad sang Koronadal.
Suno kay Huera, ang mga sunflower kag iban pa ka mga bulak nga boquet halin sa northeastern Japanese prefectures nga naguba sang 2011 Earthquake, tsunami kag pagkatunaw sang 3 ka nuclear reactors.
kong madumduman, yara sa kapin 20 ka libo ang tao nga napatay sa kalamidad sa mga prefectures nga Iwate, Fukushima kag Miyage.
Dugang pa ni Huera, magluwas sa paghatag sa palangabuhian subong nga olympics agod maka makarecover ang mga residente sa lugar kag nagahatag man ini sang uplifting spirit kag isa man ini ka pamaagi agod ma-promote ang nasambit nga lugar.
