KORONADAL CITY – Duha ka persona suno pa nga motornapper natikma sang mga kapulisan sa Robredo Street atubangn sang Integrated Public Terminal sa syudad sang Koronadal pasado alas-6 sang gab-i kagab-i makaligad nga nakabangga sa isa ka kotse ang motorsiklo sang mga ini samtang gina lagas sang mga Pulis.
Ginkilala ang mga natikma nanday Alvin Guadalupe, 25-anyos kag isa ka John Christian Hamasa, yara sa legal nga edad kag lunsay residente sang syudad sang Koronadal.
Sa interbyu sang Bombo Radyo Koronadal kay PEMS Ricky Ferren, Police Community Affairs and Development Police Non-Commissioned Officer (PCAD-PNCO), halin sa traffic ligths sa Arellano St. gin lagas ang mga ini nga gina patihan nga mga motornapper bangud sa makaduluda ang mga hulag sini.
Ginsita kag gin para suno pa sang mga otoridad ang mga ini apang indi mag pundo sa baylo nga gin paburot pa ang mga motorsiklo.
Tub tub sa naga abot na sa Robredo St. atubangan sang Integrated Public Terminal kung sa diin nakabangga ang motorsiklo sang 2 sa apat nga gin lagas sang mga pulis.
Isa ka motorcop pilason makaligad nga kaupod sa nag bangaanay ang motorsiklo sini sa mga suspek
Naka palagyo naman ang d uha sang gin lagas sang mga otoridad .
Sa subong, padayon nga gin paidalum sa imbestigasyon ang duha nga nadakpan.
Apang hugot naman nga gin panginwala sang pamilya sang mga ini nga motornapper ang mga natikma.
