KORONADAL CITY – Patay ang isa ginakabig nga isa sa mga High Value Targets Bomb Expert kag 2 ka iban pa nga miyembro sang terrorista nga Dawlah Islamiya sa ginlunsar nga raid sang mga militar sa bahin sang Brgy Nabundas, Shariff Saydona Mustapha, Maguindanao.
Ini ang gin kumpermar ni Lt.Col John Paul Baldomar, tigpamaba sang 6ID Phil.Army sa interview sang Bombo Radyo Koronadal.
Ginkilala ni Lt.Col Baldomar ang napatay nga si alias “Tong Bomber”, isa sa ginakabig nga High Value Targets Bomb Expert sa terrorista nga grupo samtang arestado naman ang mga kaupdanan sini nga sanday Nondo Sangalan kag Tong Sangalan.
Sandig sa imbestigasyon sang mga otoridad, paga arestaron kuntani ang suspek ,apang nag balos ini sa mga militar rason nga pilason ang isa ka miyembro sa miyembro sang mga sundalo, napilitan nga mag retaliate ang kasuldadohan rason nga na neutralisar si Tong Bomber.
Narekober man sa posisyon sang mga suspeks ang isa ka M-14 rifle kag 2 pa ka mga improvised explosive devices nga pagagamiton kuntani sang mga ini sa pagtuga sang mga atrosidad sa South Central Mindanao.
Gilayon naman nga gin turn-over sang militar sa mga kapulisan ang 2 ka naarestar nga suspek samtang naga paayo naman ang pilason nga katapo sa militar.
