KORONADAL CITY – Yara na sa state of decomposition sang makit an ang isa ka 13 anyos nga dalagita sa pineapple plantation sa banwa sang Polomolok South Cotabato makaligad ang apat ka adlaw nga nabalita nga nadula ini.
Ini ang ginkumpirma ni Police Major Randy Apostol, deputy chief of police sang Polomolok PNP sa interview sang Bombo Radyo Koronadal.
Ginkilala ni Maj. Apostol ang biktima nga si Althea Arcamo nga pumuluyo sang Barangay Cannery, Polomolok, South Cotabato.
Suno kay Apostol, takna alas 8 sang gab i sang nakuha sa crime scence ang lawas sang biktima kung sa diin ginapatihan nga ginhimuslan ini bag o ginpatay bangud wala na ini sang pang idalom nga panapton kag nagabanug pa ang kinatawhan sini sang makit an ini.
Gilayon naman nga ginpaidalom sa post mortem ang patay nga lawas sang dalagitakag pagahulaton na lamang ang resulta sa subong lamang nga adlaw.
Sa karon, may mga suspek na suno pa ang mga otoridad nga duwa ka lalaki nga sila pa ang nagtudlo kung sa diin nakit an ang patay nga lawas sang biktima.
Nagasinggitan naman sang hustisya ang pamilya sang bata.
