KORONADAL CITY – Wala sang ginpatigayon nga “congregational prayer” sang mga Muslim sa South Cotabato sa selebrasyon sang Eid’l Fitr subong nga adlaw kadungan sang opisyal nga pagtakop sang Holy Month of Ramadan.
Ini ang ginpahayag ni Sultan Mutalib Sambuto, Muslim Affairs Chief ng South Cotabato sa interbyu sang Bombo Radyo Koronadal.
Suno kay Sambuto, bangud sa padayon nga pagsaka sang kaso sang COVID-19 sa probinsiya kag sa iban pa nga lugar bangud nga wala man ginapahanugutan ang mass gathering ukon dalagko nga pagtililipon sang mga Muslim sa South Cotabato mangin sa mga kaiping nga probinsiya.
Dugang pa ni Sambuto ang ginatawag nga congregational prayer amo ang pagtililipon kuntani sang tanan nga mga Muslim sa mga mosque ukon mga lugar agud nga dululungan upang sabay-sabay na manalangin, magpasalamat kag magpatigayon sang dako nga selebrasyon.
APang bangud sa wala pa natapos nga pandemic kag bawal ang mass gathering, may mga nagpadulong man sa Mosque sa subong nga adlaw apang 50% lamang ukon limitado indi kasubong sadto nga wala pa sang pandemic.
Apisar nga indi makapadulong sa mosque, gin rekomendar na lamang nga mangita sang malimpyo kag malinong nga lugar sa ila puuy-an ukon ginadayunan agud nga mangamuyo.
Kadungan sini, naghimo man sila kay Allah nga matapos naman ang pandemic kag magluntad ang kalinong sa Mindanao bangud sa panibag-o nga tensiyon kag bakbakan nga natabo sa Datu Paglas, Maguindanao.
