KORONADAL CITY – Natumod na sang mga otoridad ang suspek sa pagpatay kay Ret. PMSgt. Armado “Itom” Dominggo, isa ka retirado nga pulis nga ginluthang-patay sariding-in-tandem criminal sang nagligad nga senimana sa gate 4 sang Public Market sa siyudad sang Koronadal.
Ini ang ginkumpirmar ni Police Lt. Reynaldo Sotelo, Chief of Investigation sang Koronadal City PNP sa interbyu sang Bombo radyo Koronadal.
Suno sa mga testigo, nakilala na ang suspek base sa mga kuha nga CCTV footages sa crime scene.
Ginkilala sang opisyal ang suspek nga si Jimmy Mohammad Tula, residente sang Brgy. Nitibtiban, Pikit, North Cotabato, nga anay na nga may record sa mga kapulisan.
Sa subong, pormal na nga napasaka ang kaso nga pagpatay batuk sa suspek samtang ginapangita na ini agud pasabton sa iya ginhimo nga krimen
