KORONADAL CITY – Nagsuspender sang trabaho subong nga adlaw City government sang Kidapawan kag Department of Education North Cotabato Division agud hatagan ligwa ang damage assessment matapos nga magtay-og ang Magnitude 6.3 nga linog kahapon.
Inia ng ginkumpirmar ni Engr. Arnulfo Villaruz, chief of operations sang PDRMMO-North Cotabato sa interbyu sang Bombo Radyo Koronadal.
Suno kay Villaruz, ang pagpaidalom sa pila ka mga opisina sa ila nga lugar ang isa ka tikang agud nga siguruhon nga luwas ang mga nagatrabaho sa mga talatapan nga namensiyunar.
Dugang pa sang opisyal, half day lamang anay ang pagbukas sang Deparment of Education Division office sa North Cotabato kag City Hall sang Kidapawan kun diin mahimo lamang nga makabalik ang mga empleyado sa nasambit nga mga talatapan subong nga hapon kun masiguro na sang mga opisyal nga luwas ang ila mga edifisyo.
Samtang, ang napagkit nga 5 ka pilason sa nasambit nga probinsya bangud sa kabaskog sang linog ang nakaguwa naman sa mga balay-bululngan.
Samtang may 3 ka mga puluy-an naman ang napagit nga totally damaged kag 17 ang partially damaged kun diin ginalauman nga madugangan pa ini.
Nakapagkit man sang minor landslides sa banwa sang Makilala sa nasambit nga probinsiya.
