KORONADAL CITY – Ginpaklaro sang isa ka residente nga nakakita sang bangkay sang 74-anyos nga 3 ka adlaw na nga nadula nga wala ini ginlugos kag ang ginkapatyan sini ang natural death lamang sa banwa sang Tulunan, Cotabato.
Ginkilala ang nasapwan nga bangkay kay Ginang Teles, 74-anyos kag residente sang Manobo Village, Tulunan, sa nasambit nga probinsya.
Sa interbyu sang Bombo Radyo Koronadal kay Manong Ronnie, isa sa mga nakakita kag residente sang Sa Purok 1 Brgy. Malegdeg, sa nasambit nga banwa nga wala na sang kabuhi kag panapton sang ila masapwan ang tigulang.
Gilayon man nila ini ginreport sa barangay kag gin-aksyunan sang mga opisyal.
Natumod man gilayon ang identity sang tigulang kag didto nahibaluan nga may balati-an ini sa panghuna-huna nga posible gin atake lamang sang sakit sini rason nga ginbawian ini sang kabuhi.
Dugang pa ni Manong Ronnie, wala naman nag-insister ang pamilya nga ipaidalom sa autopsy ang bangkay bangud ginabaton na lamang nila ang masubo nga nadangtanan sini.
Kaangot sini, nagpahunomdom man siya sa mga pamilya nga may mga senior citizen nga nagabalatian nga bantayan kag indi pagpabay-an agud malikawan nga magluntad pa ang kasubong nga insidente.
