KORONADAL CITY – Nagapangasubo ang pamilya sang isa ka 20 anyos nga dalagita sa banwa sang Tupi, South Cotabato makaligad utason sini ang kaugalingon nga kabuhi
Ginkilala ang biktima nga si Rose Marie Sila, isa ka estudyante kag residente sang Prk. 2 Sitio Atbangan , Brgy. Tubeng sang nasambit nga banwa.
Sa interbyu sang Bombo Radyo Koronadal kay Koronadal kay Berting Sila, step-father sang biktima, nasapwan na lamang nila nga nakabitay na si Rose sa kusina sang ila panimalay usar ang tiebox.
Ginpakigbahin man sini nga nakaangkon suno pa sang indi paghangpanay kag pagbaisanay ang mag-ulutod antes ang insidente.
Dugang pa ni Berting, nga nag-untat ang biktima sa pagtu-on sang iya nga module learning antes paman ang insidente sa kabangdanan nga nabudlayan na ini kag luyag na lamang nga mag-abroad bangud sa kapigado sang kabuhi.
Ginamo sa pamilya naman ang ginalantaw nga motibo sang mga otoridad sa nasambit nga insidente .
Ginasiling nga ini ang ika-lima nga biktima sang paghikog sa ila nga pamilya kun sa diin una na nagutas sang kabuhi ang iya amay kag mga pakaisa pila na katuig ang tinalikdan.
Samtang, wala naman sang nakit-an nga foul play ang mga otoridad sa nasambit nga insidente.
