KORONADAL CITY – Patay ang isa ka lalaki makaligad sal-on ang bala nga dapat kun tani ang sa utod sini sa banwa sang Lake Sebu, South Cotabato.
Ginkilala ang biktima kay Alyas Jun, yara sa ensakto nga pangedaron kag residente sang Brgy. Ned, Lake Sebu
Sa eksklusibo nga interbyu sang Bombo Radyo Koronadal kay Renante Cabrito, himata sang biktima, ginpanaysayon sini ang natabo kun sa diin ang dapat suno pa nga target sang pagpangluthang ang iya nga tiyo nga si Antonio Cabrito apang ginsalo suno ini sang iya utod.
Nahibaluan nga papauli na kun tani ang mag utod halin sa ila nga maisan sang matabo ang insidente.
Nakaangkon naman sang 8 nga igo sang bala ang biktima sa gakalain lain nga bahin sang iya nga kalawasan kabangdanan sang iya kamatayon.
Ginalantaw naman nga motibo sa natabo nga pagpangluthang ang indi suno pa pagpahulam sang kabayo ni Antonio.
Sa subong, nagapadayon naman ang ang search operation sang Lake Sebu PNP batuk sa suspek.
Samtang, gilayon naman nga naghatag sang bulig si Lake Sebu Mayor Floro Gandam sa pamilya sang biktima.
Hustisya naman ang ginasinggitan sang pamilya sang nasambit nga biktima sang pagpangluthang.TopPost Reply 1 post • Page 1 of 1
