KORONADAL CITY – Boluntaryo nga nagsungka ang halos 70 ka mga Army Guerrilla sang New Peoples Army sa Anti-Terror Task Force Cetral sa probinsiya sang Sultan Kudarat
Ini ang ginkumpirmar ni Lt. Col. Anhouvic Atilano, spokesperson sang 6th ID Philippine Army sa interbyu sang Bombo Radyo Koronadal.
Suno kay Atilano, bitbit sang nasambit nga mga rebelde ang mga matag-as nga kalibre sang armas kag mga eksplosibo.
Sa bulig sang mga local officials kag pakig-angot sa Inter-agency Regional Peace and Order Council kag Anti-terror Task Force Central naawhag ang mga rebelde nga magbalik sa sabak sang gobyerno agud makapangabuhi sang malinong.
Kadam-an sang mga nagsungka nga mga rebelde ang nagpahayag nga nabudlayan na sila sa pakigbato sa mga suldado kag kakapoy na sa kabukiran.
Una diri gindeklarar gani sang Regional Peace and Order Council sa Rehiyon Dose nga mga Persona non Grata ang mga local terrorist group kalakip na ang Communist Peoples Army (NPA).
