Nagkalain-lain nga LGUs sa Region 12 nagatipon sang relief goods kag food packs bilang bulig sa nilibo ka pamilya nga apektado sang bagyo nga Rolly kag Ulysses sa Luzon

KORONADAL CITY – Ginpakigbahin ni Mr. Leonard Ballon, ang MDRRM Officer sa banwa sang Surallah nga kaupod ang tanan nga mga MDRRM officers sa nagkalain-lain nga probinsya sa South Cotabato kag mangin sa bug-os nga Rehiyon Dose nga nagatipon na subong sang mga relief good kag food packs para sa mga apektado ngaa residente sa Luzon nga apektado sang pagpanalasa sang asod-asod nga mga bagyo.

Suno kay Ballon, ang nasambit nga tikang ang ila nga sabat kag mahatag nga bulig subong man suporta sa mga nangin apeaktado sang kalamidad apisar makabig nga gamay nga butang lamanga ini.

Ang matipon nga mga donasyon ang ila nga igahatag sa Office of the Civil Defense 12 agud nga mapalab-ot sa mga lugar ngaa apektdo sang kalamidad.

Dugang pa sini nga nakastandby man ang ila tagsa ka mga personnel sa oras nga may yara sang matabo nga augmentation agud nga makabulig sa nagkalain-lain nga operasyon sa mga lugar nga apektado sang nasambit nga bagyo.

Sa subong padayon ang ila nga panawagan sa tanan nga magbulig sa mga nagaakinhanglan.