KORONADAL CITY – Ginakabalak-an sang Filipino community sa Estados Unidos nga magalala pa ang kinagamo sa tunga sang Republican kag Democratic supporters kaangot sa nagapadayon nga pag-isip sang boto sa US elections.
Sa interbyu sang Bombo Radyo Koroandal kay Bombo international correspondent Gigi Walinski sa Minnesota, USA, indi suno pa malayo nga maatabo ang isa ka madinuguon nga civil war sa tion sang mga nagakatabo.
Suno kay Walinski, kun padayon nga magalala ang sitwasyon, sigurado nga mag-engkwentrohanay ang magkaribal nga mga supporters labi na nga kadam-an sa mga tawo ang may tagsa-tagsa ka kaugalingon nga armas.
Kun madumdoman ginapanawagan sang mga Democrats ang pagpadayon sa pag-isip sa mga boto sa pihak sang apela ni President Donald Trump nga untatan anay ini bangud sa mga dayaanay nga natabo sa pila ka estado.
