KORONADAL CITY – Halos nadunot nga prutas ang nangin nawong sang isa ka lalaki makaligad naligidan ang ulo sini sa natabo nga aksidente sa dalanona sa banwa sang Surallah, South Cotabato.
Ginkilala ang nasambit nga biktima kay Julius Pelipid, yara sa legal nga edaron kag residente sang Brgy. Tasiman, Lake Sebu.
Base sa inisyal nga imbestigasyon sang Surallah PNP, ginmanduan suno si Pelipid nga magbakal sang baka sa nasambit nga barangay apang pag-abot sini sa Prk. Sampaguita, Brgy. Colonggolo ang nabungu-an sini ang isa pa ka motorista nga ginkilala naman kay Rene Pagulong.
Sa kabaskog sang impact nagtabog si Pelipid kag isa ka salakyan suno pa sa pihak nga direksyon ang aksidente naman nga naligidan ang ulo sang biktima nga nangin kabangdanan sang iya gilayon nga kamatayon.
Kasamtangan nga ginabulong sa balay bululngan si Pagulong bangud sa nakaangkon ini sang pilas kag yara sa kritikal ang kondisyon.
Nagapadayon pa ang imbestigasyon sang Surallah PNP angit sa insidente.
