KORONADAL CITY – Nagalab-ot na sa kapin 100 pamilya ang kasamtangan nga nagapabilin subong sa evacuation center sa banwa sang Makilala, North Cotabato tuga sang malapnagon nga pagbaha.
Ini ang ginpahayag ni North Cotabato Provincial Disaster Risk Reduction Management Office (PDRRMO) operations head Engr. Arnulfo Villaruz sa interbyu sang Bombo Radyo Koronadal.
Ginpaahyag ni Villaruz nga sa kasamtangan, yara sa kabug-osan nga 82 ng nagbakwit nga pamilya ang nagapabilin subong sa evacuation center kun sa diin padayon ang pagpanagtag sang local government sang North Cotabato sang food packs sa mga apektado nga residente.
Samtang ginkumpirmar man ni Villaruz nga nasapwan na nila ang bangkay sang lalaki nga gin-anod sang tubig-baha makaligad ang pila ka adlaw nga nadula ini makaligad ginhana ini nga magtabok.
Suno sa opisyal, isa suno pa ka 39 anyos nga lalaki ang nasambit nga biktima kun sa diin residente ini sang Brgy. Kisante, Makilala sang nasambit nga probinsya kag ila pa nga ginahibalo ang pangalan sini.
Sa subong nagapadayon pa ang damage assessment sang ila talatapan agud mahibaloan ang balor sang damyos nga tuga sang pagbaha nga naeksperyensiyahan sa bug-os nga probinsya.
