KORONADAL CITY – Ginpasiguro sang OWWA 12 nga mabaton ang cash assistance kag pila ka benepisyo nga ila nga igahatag sa nabilin nga pamilya sang napatay nga seaferer makaligad nga naglugdang ang bapor nga Gulf Livestock 1.
Suno kay OWWA 12 Regional Director Marilou Sumalinog, makabaton suno pa sang halos P220, 000, scholarship para sa mga kabataan ni Joel Linao kag livelihood assistance agud nga may makuhaan ang pamilya sini sang ila palangabuhian.
Padayon man ang pagpakig-angot sang pamunuan sang OWWA 12 sa pamilya tubtub sa maihatag na nila ang nasambit nga assistance.
Bangud sa subong ang ila anay ginarespeto ang nabatyagan sang pamilya Linao bangud sa makahilinusbo nga panghilitabo.
Ginpasiguro man sang opisyal nga wala na sang seaferer nga residente sang South Cotabato ang nalakip pa sa listahan sang mga nalumos.
Kun madumduman, isa si Linao sa mga nalumos nga seafarer sang Gulf Livestock 1 makaligad ini nga nalumos sa bahin sang pungsod Japan bangud sa pagpanalasa sang bagyo nga Haishen.
