KORONADAL CITY – Indi lubos maisip sang isa ka fresh graduate sa pagka midwife nga mangin viral siya kag ang kaupod sa ginhimo nga pagbulig sa isa ka iloy nga ginbun-ag ang lapsag sa kilid sang dalanon diri sa syudad sang Koronadal.
Sa eksklusibo nga interbyu sang Bombo Radyo Koronadal kay Myene Dajay, papuli na ini sa ila boarding house kaupod ang abyan sang nakita nga may nagabata sa kilid sang dalan kag ginbuligan.
Sa gilayon nga nagbuig sa mag-iloy agud masiguro ang sitwasyon sang mga ini.
Samtang magluwas sa pagkuha sang video, ginhimo man ni Kim Magtanong ang ikasarang sini nga awhagon ang kon sin-o man nga may ihibalo agud nga buligan ang mag-iloy nga masalbar ang ila kabuhi.
Suno kay Kim Magtanong, nga apisar nagapangurong bangud una nga higayon nga nakakita sang kasubong nga sitwasyon, wala indi nagpangduha duha nga magkusog sang iya nga tingog nga magpanawag sang bulig agud nga mahatagan sang mag-atipan sa gilayon ang mag-iloy.
Dugang pa ni Kim nga bilang isa ka concerned citizen kag apisar may yara man sang ginbuligan mas gin-una ang mag-iloy bangud nahibaluan sini nga mas nagapanginahanglan ang duha sang bulig.
Sa ulihi, ginpahayag naman ni Dajay, nga tubtob sa sini nga tion apisar nga indi pa isa ka registered midwife, iya lang nga ginhimo ang sarang nga mabulig agud masalbar man ang mag-iloy.
