KORONADAL CITY – Nagapanawagan sang aksyon kag bulig halin sa lokal nga gobyerno ang mga residente sang New Ilo- Ilo, Tantangan , South Cotabato makaligad ang nagluntad nga malapad nga pagbaha sa ila nga lugar.
Sa interbyu sang Bombo Radyo Koronadal kay Mrs. Judith, isa sa mga residente nga naapektuhan sang nasambit nga pagbaha, ginpahayag sini nga kong mahimo aksyonan ini sa madali nga tinio ang ila nga sitwasyon subong kong sa diin halos sa mga kabalayan gindalasa sang tubig baha.
Gin pakigbahin ni Mrs Judith, nga ang nagapanguna nila nga problema ang naguba nga kanal nga ginhalinan sang tubig-baha kong sa diin pakdto ini sa ila nga kabalayan.
Ginpasiguro naman sang Kapitan sa Barangay ang nagakaigo nga atensyon kag bulig agod maresulbar ang problema makaligad ang nagluntad nga kalamidad sa ila nga lugar.
Madumduman yara sa kapin ka 60 ka pamilya ang apektado sa nasambit nga tubig-baha.
