KORONADAL CITY – Luyag sang kampo ni President Quirino Mayor Azel Mangudadatu nga maathagan sa gindagdag nga kamandoan nga nagasuspinder sa iya bilang alkalde sa sulod sang 45 ka adlaw.
Nag-ugat ang nasambit nga mando halin sa ginsang-at nga Administrative Order resolution number 40 halin kay Sultan Kudarat Governor Teng Mangudadatu kun sa diin ginapasuspinder ang nasambit nga alkalde bangud suno pa sa kaso nga Misconduct in Office, Dereliction of Duty kag Abuse of Authority.
Sa AO sang gobernador, ang preventive suspension sa alkalde indi suno pa penalidad apang una nga tikang lamang para sa administative case agud mahibaloan kun may bastante ini nga balasehan.
Apang suno kay Atty. Esraelito Torreon, legal counsel ni Mayor Mangudadatu, ginakatingala nila ngaa wala man lang ginpaathag diri kun sa ano nga rason kinahanglan nga suspendihon ang alkalde.
Bangud diri magasang-at sila sang manifestation kay Governor Mangudadatu nga nagakwestyon sa nasambit nga kamandoan kag ginduso nga depektibo ini.
