KORONADAL CITY – Gindeklarar na sang Lebanese government ang state of emergency kag state of mourning kasunod sang mabaskog nga pagsigabong sa Port of Beirut nga ginkapatay sang kapin 80 ka tawo kag ginkapilas sang ginabulobanta sa 4,000 nga iban pa.
Ini ang ginkumpirmar ni Nichelle Princess Mingas sa interbyu sang Bombo Radyo Koronadal.
Suno kay Mingas nga tumandok sang Surallah, South Cotabato kag 11 tuig na nga isa ka domestic helper, tubtob sa subong wala sa gihapon nagatahaw ang iya nabatyagan nga kakulba kag kahadlok kasunod sang natabo.
Ginpakigbahin man sini nga nabatyagan sini nga nagtay-og anay ang lugar antes ang mabaskog nga shockwave nga nagguba sa mga edipisyo, kabalayan, kag mga propedad.
Puno man ang mga ospital bangud sa halos kada minuto nga pag-abot sang mga pilason nga mga biktima.
GInakabalak-an man suno pa ang pagsaka pa sang numero sang pilason nga mga kasimanwa, magluwas pa sa duha nga nabalita nga napatay sa insidente.
