KORONADAL CITY – Padayon nga ginalagas ang mga miyembro sang New People’s Army nga responsable sa pagpanunog sang isa ka heavy equipment sa bahin sang Columbio, Sultan Kudarat.
Sa interbyu sang Bombo Radyo Koronadal kay PNP-12 spokesperson PLt./Col. Lino Capellan, ginsunog sang lima ka miyembro sang nagpakilala nga NPA ang isa ka 10-wheeler truck sang Gemma Construction sa bahin sang Brgy. Sinapulan, Columbio, Sultan Kudarat bangud sa suno pa wala nagbayad sang revolutionary tax ang nasambit nga kumpanya.
Maswerte naman suno pa nga wala ginsakit ang mga drivers kag pila ka mga empleyado sa nasambit nga insidente.
Dugang pa sini nga ginahibalo pa ang kabug-usan nga damyos nga natuga sang panibag-o nga torching incident sang NPA.
Kon madumduman ginsunog man sang nasambit nga grupo ang tatlo ka heavy equipment sa isa ka quarry site sa T’boli, south Cotabato.
