KORONADAL CITY – Aminado si Integrated Provincial Health Officer, Dr. Rogelio Aturdido, Jr. nga sa subong ginakulang na ang mga quarantine facilities sa tagsa ka barangay sa mga banwa sang South Cotabato kay indi man malipod nga nagadamo pa ang mga nagapuli nga mga LSIs kag ROFs sa tagsa ka lugar.
Suno kay Dr. Aturdido nga wala sang problem sa mga isolation facilities sa tagsa ka banwa,apang ang kinahanglan na lang sa sini nga tinion amo ang pagcalibrate pa kag pagdugang sang mga quarantine facilities agud nga mabaton ang tanan nga mga magapuli nga mga kasimanwa.
Dugang pa ni Dr. Aturdido nga apisar may mga napagkit pa nga mga nagpositibo sa nasambit nga balatian wala sang dapat kabalak-an ang mga pumuluyo bangud padayon man ang ila nga pagbantay kag pagmonitor sa kaso sang balatian sa aton nga probinsya.
