KORONADAL CITY – Wala na sang kabuhi ang isa ka padre de pamilya sang nasapwan na lamang ini nga nakabitay sa kisame sang ila panimalay sa bahin sang Bo. 5, Banga ,South Cotabato.
Sa eksklusibo nga interbyu sang Bombo Radyo Koronadal kay Beverly Reyes, asawa sang biktima nga si Alyas Ahsher, naglisensiya suno pa ini sa iya nga magakuha lamang sang utanon sa guwa sang ila panimalay apang tuman na lamang ang ila kahadlok kag pagpangasubo sang nasapwan nga naghikog na ang iya bana sa sulod mismo sang iya ila panimalay.
Gilayon ini nga nagpangayo sang bulig sa pila ka puloy-an apang wala na naabtan pa nga buhi.
Suno kay Beverly, pila ka bes suno pa nagpabatyag sa iya ang iya bana nga luyag na sini nga maghikog.
Apang ila ini nga ginahangop kag ginpahanumdoman nga indi paghimoon ang paghikog.
Depresyon ang ginatudlo nga motibo sa paghikog sang biktima.
