KORONADAL CITY- Ginbawian sang kabuhi ang isa ka Barangay Secretary sang Barangay Little Baguio sa banwa sang Surallah, South Cotabato matapos nga ginbuno sang anay nga live-in partner sini sa atubangan mismo sang Barangay Hall pasado alas-8 kaina sang aga.
Ginkilala ni Police Major Romy Castañares ang biktima nga si Letesia Dizon, 23 anyos, barangay secretary kag residente sang nasambit nga lugar.
Samtang, ang suspek ang ginkilala kay Russell John Cabaya, 30 anyos, laborer kag anay nga live-in partner sang biktima. S
Sandig sa imbestigasyon, nagbasi ang duha samtang nagapadulong sa barangay hall sang hinali na lamang nga ginbuno sang suspek ang biktima.
Gindala pa sa hospital si Dizon apang ginbawian na ini sang kabuhi.
Matapos nga makomiter sang suspek ang krimen, naghikog-patay man ini paagi sa pagbuno sa iya nga dughan.
Tuman nga pagpangimon ang ginalantaw nga motibo sang suspek kun ngaa ginhimo ang krimen.
Nahibaluan nga may 5 anyos nga bata ang mga napatay.
