YBL Inc. liwat nga magasuspinder sang ila operasyon umpisa buwas nga adlaw

KORONADAL CITY – Nagdesisyon ang talatapan sang Yellow Bus Line Inc. nga temporaryo nila nga igasuspinder liwat ang ila mga biyahe umpisa buwas nga adlaw, Mayo 22, 2020.

Suno kay operations manager Boy Par, ginhimo nila ang nasambit nga tikang kasunod sang ginpatuman nga madamo nga mga lockdown kag mas hugot nga seguridad rason nga ginhimo ang nasambit nga pagsuspinde.

Ginpaathag sini nga tanan nga ruta ang ila ginsuspinder umpisa subong nga adlaw kag magapabilin ini tubtob magahagan-hagan na ang sitwasyon.

Sa pihak nga bahin, ginpasiguro man sini nga nahatagan sang bulig ang apektado nga mga personnel sang talatapan sa tunga sang naeksperyensiyahan nga covid-19 pandemic.