Senior citizen nga nagalinya agud makuha ang social pension, gin-atake sa kurason, patay

KORONADAL CITY – Tigayon na nga ginbawian sang kabuhi ang isa ka lolo nga nagalinya lamang agud nga makakuha sang Social Pension sa Brgy. San Jose sa nasambit nga banwa.

Ginkilala ang napatay nga si Jhonny Nepiol, 72 nga residente man sang nasambit nga lugar.
Sa panaysayon sang asawa sini nga si Sally Nerpiol, ang iya bana ang nagapila agud makuhaan sang thumbmark sang hinali na lamang nga natumba kag nadulaan sang animo.

Gilayon man ini nga gin-revive sang rescue team nga naka-standby na nga daan kag nadala pa sa South Cotabato Provincial Hospital apang ginbawian na sang kabuhi.