KORONADAL CITY – Nagpanindugan man si Provincial LMP President kag Surallah Mayor Antonio Bendita nga sa una pa lang nga bahin sang paghan-ay ni Gov. Tamayo angot sa app sa igapatigayon nga contact tracing sa mga pumuluyo sang probinsya angot sa gihapon sa coronavirus disease 2019 may nakit-an na sila sang pila ka mga legal impediments angot sa implementasyon sini.
Suno kay Mayor Bendita nga wala sang dapat nga ikaakig sa iya ang gobernador bangud luyag lang sini nga magbulig man sa probinsya sa mga ensakto nga mga hilimuon sa pagcontact trace sa tion nga may panibag-o nga kaso sang covid-19 nga magtuhaw.
Dugang pa sini nga indi man sini luyag nga mahulog sa “kumunoy” ang gobernador sang probinsya kag indi pa suno ini ang tion agud nga makaangkon sa isyu angot sa pamulitika sa bug-os nga probinsya.
Ginkwestiyon man sini ang gobernador ngaa maakig suno pa sa iya nga concern lamang siya sa desisyon sini bangud nakahibalo siya sang laye.
Wala suno pa sila sang dapat nga isipon sa subong kundi ang kaayuhan sang katawhan.
Madumduman nga ginpangalanan mismo ni Governor Tamayo ang mga alkalde nga wala nagasuporta ukon nagasupak sa ginaduso sini nga Contact Tracing App nga ginapatihan sini mas madasig nga paagi sa paghibalo sang sin-u-man nga mangin positibo sa COVID kag ang sin-u-man nga may contact ini.
