KORONADAL CITY – Ginkalipay ni Norala Mayor Clemente Fedoc nga naubos nila ang pagpanatag sang special amelioration program sa ila nga mga pumuluyo kadungan sa deadline sang distribution sini subong nga adlaw.
Ginpahayag ni Mayor Fedoc, nga nangin tayuyon ang pagpanagtag nila sang nasambit nga ayuda kun sa diin nangin stratehiya sini ang pagpanagtag sang ayuda sa tatlo ka barangay kada adlaw halin sa duha makaligad nangin manageable ang sitwasyon sang ila distribusyon.
Ulihi man nila nga gintagtagan ang Brgy. Poblacion nga isa sa mga pinakadako nga barangay sa nasambit nga banwa kun sa diin naabtan pa sila sa 11 sang gab-i bangud iban sa ila ang nagpalab-ot sang reklamo kun sa diin pipila diri ang nangin bayolente kag nagademanda ngaa wala sila nahatagan sang bulig apang tigayon nga na-control.
Yara sa kabug-osan nga 7,623 ka benepisyaryo ang napagkit sa banwa sang Norala sa sulod sang 14 ka barangay.
Nahibaloan nga ang nasambit nga banwa kag ang Tampakan ang nakatapos sang ila SAP distribution antes ang deadline subong nga adlaw halin sa bug-os nga probinsya sang South Cotabato.
