KORONADAL CITY – Ginlaragway sang negosyante nga Pinay nga 5 katuig na nga residente sa Daegu city, South Korea ang ila lugar bilang “adlaw sang mga patay” bangud halos wala na sang gaguwas nga mga tao makaligad nga makumpirmar ang masobra 1000 nga kaso sang COVID-19.
Ini ang nangin pahayag ni Bombo International Correspondent Natasha Kris Orias nga kasamtangan nga gatinir sa Daegu City kag naka asawa sang Korean national nga taga syudad sang Davao.
Suno kay Natasha, makabig suno pa nga “ghost town” ang ila lugar sa subong kag nakaangkon na sang masobra 20,000 nga suspected nga nalatnan sang coronavirus base sa ginpaguwa nga datos sang ila health authorities.
Dugang pa ni Natasha, ang 61 anyos nga tigulang nga babaye nga church goer nga nangin positibo sa COVID 19 ang ginakabig nga “super spreader” bangud halos isa ka congregation na ang nalatnan sini.
Apektado man ang ubra sang masobra kagatos nga mga pinoy factory workers didto bangud sa COVID 19.
Nahibaluan nga ang Daegu City kay amuh ang sentro sang mga dalagkuan nga factories sa nasambit nga pungsod.
Sa subong, madamo sang Pinoy suno pa saila lugar ang gakabalaka sa ginpatuman nga travel ban bangud plano kun tani nila magpauli sa pungsod.
Mangin si Natasha kay natalana man nga magpauli sa Pilipinas sa palaabuton nga bulan sang Marso.
