KORONADAL CITY – Tigayon na nga ginbawian sang kabuhi ang construction worker nga nahulog halin sa 15 ka tapak nga kataason nga overpass sa Alunan Avenue kahapon nga adlaw.
Ini ang ginpahayag ni PLt. Reynaldo Sotelo, ang chief of investigation sa interbyu sang Bombo Radyo Koronadal, wala na na-revive ang biktima nga si Mark Bechayda sang Brgy. Poblacion sa banwa sang Norala makaligad ini nga nahulog sa scaffolding matapos suno pa ini nga nakuryente.
Nagaguwa man sa ila imbestigasyon nga wala man sang anuman nga safety equipment ukon harness ang ginhatag ang construction company sa nasambit nga biktima.
Dugang ni Lt. Sotelo, may yara sang salabton ang kumbyohan bangud sa kakulangon sa paghatag sang proteksyon sa ila mga tinawo ilabi na nga masami mabutang sa ital-ital ang kabuhi sang mga ila mga tinawo.
Suno kay Sotelo, magluwas sa pagsabat sa galastuhon kag pagpalubong sang nasambit nga kumbyohan, nagahulat man ang Koronadal PNP sa posible nga pagsang-at sang pamilya ni Bechayda sang nagakaigo nga kaso batok sa construction company.
